सम्पतिका नाममा यही झुप्रो छ हामीसँग। -Rahasya Bikram Chimariya

Rahasya Bikram Chimariya

सम्पतिका नाममा यही झुप्रो छ हामीसँग। 
साहु भण्डार छ जत्तिकै गर्छ आसामीसँग।। 

आगोले धावा बोल्नु अगि सोचेकै थिएन। 
महङ्गो पर्नसक्छ दुश्मनी सुनामीसँग।। 

बिना कारण अस्पताल तोडफोड हुँदैन। 
पक्कै खेलबाड भएको थियो बिरामीसँग।। 

यस्तो रोग लागेकोछ यो मनलाई जसको। 
न ओखति छ बैध्यसँग न मन्त्र छ धामीसँग।। 

मेरो मृत्युको रहस्य सोध्यौ भने तिम्रालागि। 
कुनै जवाफ हुनेछैन मेरा मलामीसँग।। 

©'रहस्य'बिक्रम चिमरिया 
बिर्तामोड झापा