तमसुकमा म कैद छु राहदानीमा पनि-Rahasya Bikram Chimariya

Rahasya Bikram Chimariya

तमसुकमा म कैद छु राहदानीमा पनि। 
छैनन् रहरहरू यो जवानीमा पनि।। 

हिजो निष्ठुरीका ति तस्विरहरू जलाएँ।। 
आज त्यही मुहार देखेँ खरानीमा पनि।। 

रित्तो मुटु बोकि हिँड्नेले के थाहा पाउँथे। 
ब्रह्माण्ड अँट्न सक्छ आँखाका नानीमा पनि।। 

ऐनामा कोही भेट्टाएँ म जस्तै उदास। 
उही मान्छे पाएँ तलाउको पानीमा पनि।। 

अब म कुनै हालातमा एक्लो हुनेछैन। 
चोटहरू साथी छन् जिन्दगानीमा पनि।। 

©'रहस्य'बिक्रम चिमरिया 
बिर्तामोड झापा