गजल :-
धेरै भयो कुरा नभाको हजुरसित !
मनको बह पोख्न नपाको हजुरसित !!
रिसायौकि भनि खबर लेख्नु भएछ !
हैन हैन - छैन रिसाको हजुरसित !!
नानी खुब कुरा निकाल्छे अचेल भरी !
चिडियाखानामा घुमाको हजुरसित !!
थाहाछ..हजुरकी छोरी क्या बाठी भा'छे !
सोध्छे कतिछ माया बाबाको हजुरसित ??
हातमा फूलको थालि लिई हात समाई !
धेरै भयो मन्दिर नगाको हजुरसित !!
छिट्टै आएर लैजानुस घुमाउन लाई !
कति धेरै भयो नखाको हजुरसित !!
सपना पनि जिस्क्याउछ हिँजो आज त !
देख्छु सधैं सधैं निदाको हजुरसित !!
-लेख कार्की. "अन्योल"
खोटाङ्
No comments:
Post a Comment