जिन्दगीका पुर्जाहरुमा खिया लागेपछि!
टुक्रियो दिल खुशीमा हँसिया लागेपछि!
परदेशको माहोलले तानी लग्दो रै' छ,
आफ्नो देशकोचलन घटिया लागेपछि!
न त्यो खेल खेल्नुमा न हेर्नुमा मजा हुन्छ!
कमजोरका बिरुद्ध बलिया लागेपछि!
बोल्ने नबोल्ने बोलिएछा के-के गरिएछा,
पिउँदा पिउँदै भट्टिको चिया लागेपछि!
जनतालाई खान लाउन कसरी पुग्छ ?
यही गरीब देश नै अधियाँ लागेपछि!
No comments:
Post a Comment