गजल - रमेश 'गोठालो'

रमेश 'गोठालो'

 · 

साइकल रिक्सा मोटर गाडी, तिमी तिरै हाँक्न सक्छन्।। 

नजाउ तिमी शहर बजार, तिम्रो बैँस माग्न सक्छन्।। 

घुम्न डुल्न कतै जाँदा, बिर्सेर नि त्याँ नपुग्नु
तिम्लाई देखि चिहान बाट, मुर्दापनि जाग्न सक्छन् ।। 

त्यो चम्किलो रुप तिम्रो, घरैभित्र लुकाई राख्नु
साँझपख बाहिर निस्के, जुनताराले डाक्न सक्छन् ।। 

आउ मेरो दिलमा बस, जहाँ भन्छ्यौ त्यहीँ लान्छु
कष्ट नदेउ पैताला लाई, कोमल पाउ थाक्न सक्छन्।। 

नलगाउ छोटा पैरन् , बरु ओढ बुर्का तिमी
त्यो यौवनमा भिष्मले नि, प्रतिज्ञा नै नाघ्न सक्छन्।। 

साथी संगि साथै जानू, बन जङ्गल घाँस र दाउरा
किशोर युवा बृद्ध सबै, 'गोठालो' पो लाग्न सक्छन्।।