~~नेपालका बरिष्ठ गजलकार ललिजल रावल को गजल~~
नखोलेरै राखिएको एउटा बन्द खाम थियो॥
भित्र के के थियो कुन्नी बाहिर मेरै नाम थियो॥
कताबाट उजाडियो मनको सानो फुलबारी
भर्खरै त फूलहरूको यहाँ फुल्ने याम थियो॥
आज किन यहाँ केही केही पनि देखिएन
हिजै मात्र सपना खोज्ने आँखाहरूको लाम थियो
सधैँ सधैँ बग्ने खोली एकै छिन रोकिई देऊ
तिम्रो वेगसँग मलाई अलिकती काम थियो॥
मनमा दियो बिस्वासको नबलेको जिन्दगीमा
धेरै धेरै अन्धकार थोरै मात्र घाम थियो॥
copyright:लेखकमा
[साभार :'बिरानो भयो ठाउँ'बाट]
No comments:
Post a Comment