नमस्कार, अदरणिय पाठक बन्धु स्वागत छ तपाईंलाई यो सिर्जनशिल साहित्य समुह काठमाडौँ द्वारा संचालित यो ब्लग मा । यहाँ तपाईंले देश र बिदेशमा रहनु भएका लेखकका लेख रचना नियमित रुपमा पढ्न पाउनु हुनेछ । यि रचनाहरु आजिबन का लागि सङ्ग्रहित गरिएको छ । यहाँ कबिता ,गजल, मुक्तक, गीत, हाइकु कथा छन । हरेक श्रस्टाको रचना सँगै रचनाकारको तस्बिर र सामाजिक संजाल फेसबुक को लिंक राखिएको छ , जस्ले पाठकलाई सीधै रचनाकारसग साक्षात्कार गर्ने मौक़ा मिल्दछ। रचना प्रतीकों कपि -राइट श्रस्टामै सुरक्षित रहेको छ। ।

Thursday, March 12, 2015

gajal -Sagar Bista

जब मसान घाटमा मेरो चिता हुन्छ !!
त्यहा यी बादरहरुको रमिता हुन्छ !!

नहुने कुरामा मन किन दुखाउछै यार
मन बहकाए भने गजल कविता हुन्छ !!

मेरो हातमा गजलको किताब हुन्छ
बाको हातमा रामायण र गिता हुन्छ !!

देउताको आचरण राम्ररी बुझेको छु
कसले भन्छ हरेक नारी सीता हुन्छ !!

gajal - Janak Kunwar


हुनु पर्यो हामिलाई मात्र एक थान हुनु पर्यो |
छिट्टै अब जनतालाई संबि-धान हुनु पर्यो ||

मोज गर्दैछौ नेताहो निमुखालाई लुटि आज ,
तिम्ले जस्तै पाउन सक्ने कि त बर-दान हुनु पर्यो |

कसो गरि बाच्ने कुन्नी यो देशमा शोषितले,
धनी जस्तै गरिबको नी उच्च शान हुनु पर्यो |

किन हुन्छ कुन्नी यहा उच निच धनी गरिब ,
शोषक झै पिडितको नी सम्-मान हुनु पर्यो |

बन्छ भने देश साच्चै आवश्यकता छ यहां,
हजारौ हैवान हैन एउटै मात्र ज्ञान वान हुनु पर्यो ||

जनक कुँवर (चिन्तन)
लम्किचुहा ६ कैलाली
हाल:पुणे माहाराष्ट्र भारत

गजल - नरेन्द्र नाथ (निशान)

गजल 

बिग्रीदै छन कामकाज हतार हतारमा ।।
यस्तै छ हिजो आज हतार हतारमा ।।

हेराईमा बुझाईमा नराम्रो नहुन सक्छन् ।
गलत लगाए अन्दाज हतार हतारमा ।।

कोठामा नानी रुदैछिन् या हासि रहेछीन् ।
नराम्रो सुनियो आवाज हतार हतारमा ।।

मायाको नाटक गरेकी रहेछीन् प्रियाले ।
खुलासा भएछ राज हतार हतारमा ।।

हो मैले उजुरी दिएपछि अदालतमा ।
फरार भैदीए धोखेबाज हतार हतारमा ।।

नरेन्द्र नाथ (निशान)

मुक्तक‬ - एल बि एस

मुक्तक‬
उन्ले मलाइ बारम्बार सताउँछे
सताउँन थुप्रै यादहरु पठाउँछे
म बार लगाउँछु यादहरु छेक्न 
र फेरी पनि उ बारलाइ हटाउँछे

एल बि एस
धादिङ

gajal -जे.सागर

सक्छौ भने हस्तरेखा मेटाएर देखाउ !
सुख मात्र मिल्ने भाग्य लेखाएर देखाउ |

के योजना गर्छौ मान्छे पुरा जिन्दगीको ?
भरे देख्ने सपना त बताएर देखाउ !

अनि मात्र तारिफ गर्छु तिम्रो विज्ञानको ,
लाश उठाई त्यसलाई जिउँदो गराएर देखाउ |

चाहे पुग अमेरिका ,चाहे साउदी कतार ,
ए परदेशी, याद बिना निदाएर देखाउ !

तिम्रा सबै काला कर्तुत माफि दिउला सरकार,
यसपाली साँच्चै बिधान बनाएर देखाउ |

तिम्रो प्यासको चुरीफुरी त्यो दिन हेर्छु मैले ,
एक निमेष मात्रै 'सागर' सुकाएर देखाउ !

जे.सागर
पेप्सीकोला,काठमाडौँ
हाल:आबुधाबी.यू.ए.ई.

gajal -गोबिन्द चन्द सोडारी


बुढिगंगा कैलाश खोला मेरा वरिपरी,..!!
कहिले होला कहिले नहोला मेरो वरिपरी,..!!

रमणिय स्वर्ग जस्तै मिलेको छ,..!
अछाम सुनको तोला मेरो वरिपरी,..!!

मेरो जन्मभुमी म खेले हुर्केको ठाउँ,..!
नबोला यतै छ नबोला मेरो वरिपरी,..!!

अहँ भुल्ने छैन कदापि मेरो अछाम,..!
याद आवोला नआवोला मेरो वरिपरी,..!!

जहाँ गएपनि फेरिने छैन बदलिने छैन,..!
झल्किनेछ अछामी चोला मेरो वरिपरी,..!!

गोबिन्द "समर्पण" मुम्बई

गजल: - Surya Khatri

गजल: 
संसारको धनी बन्थे आँसु बेच्न पाए
कती जाती हुन्थ्यो आफैँ भाग्य लेख्न पाए

कती दुख्न सकेको हो अभागिको छाति
फलामकै दिल रोज्थे यदी फेर्न पाए

अप्सरामा खोट होला लाग्छ तिम्रो सामु
स्वर्गै भुली बस्थे दैब तिमी भेट्न पाए

घात गर्‍यो बिधाताले भाग्य लेखी दिन
दैबलेनी दिन्छ चोट यहाँ हेप्न पाए 

नेपाली बहर \सबाइ
सुर्य खत्री "घायल"
सौल ~ दक्षिण कोरिया

गीत - Rohit Rana

गीत" - सामिप्यमा पाएँ तिमीलाई

हृदयको सामिप्यमा पाएँ तिमीलाई
चाहानाको मन्दिरमा पाएँ तिमीलाई ...
मेरो हर संगीतसंगै)२
गीत बनाइ गाएँ तिमीलाई)२

आँशु झारेकै हो बिछोड हुँदो तिमीबाट)२
बाचा थियो जनम- जनमसंगै जिउने साथ
माया म गर्छु तिमीलाई.. गर्ने छैन विश्वासघात
हृदयको....
धर्म सोचें धर्म -पाप सोचें पापी छ मन )२

एकोहोरो तिम्रै मायामा बल्झिदिन्छु किन झन् 
जाता हेर नि पाउँछु तिमीलाई ....पाइन आफैमा एक्लो पन



रोहित राना
बुटवल-१३, रुपन्देही
"Buddha was born in Nepal"

गजल- Kamal Sargam

· 
 · 
गजल
बनाइ रंगशाला मेरो मुटुलाई ।।
हान्यौ तीखो भाला मेरो मुटुलाई ।।

यी दुस्मनहरुले के गर्दै छन् कुन्नि 
लगाएर सुनका बाला मेरो मुटुलाई ।।

आफ्नै साझा सम्पती झै मनोमानी गर्छौ
के हो मित्र तिम्रो चाला मेरो मुटुलाइ।।

टुक्रा टुक्रा किन पारिदै छ कुन्नि
बोलाएर खेताला मेरो मुटुलाई ।।

तिम्रै सहरमा तिमिलाई नै सुन उपहार
थमाउनुछ एस पाला मेरो मुटुलाइ ।।

किन किन डर लागि रहेको छ
कसले पकाएर खाला मेरो मुटुलाई ।।

©कमल सर्गम

गजल....सागर भण्डारी 'बिभोर'

गजल....

गुलाब कुल्चेर गयौ घृणा गरी पैतालाले !!
मुटु झिकि दिएँ मैले तुच्छ ठान्यौ अहम्ताले !!

तिम्रो गरिमा सुनेथें गलत रहेछ हल्ला
बेहोस् रहेछन् सबै यस्तो मादक नसाले!!

ति भ्रम सजीव भए चर्तिकला देखेपछि
के नै छ र भन्नु अब प्रश्न गरी आसंकाले!!

रहन्छर कैले सम्म चुरी फुरि यौवनको
के रहेछ त "बिभोर" चिन्ने छौ तब आत्माले !!

सागर भण्डारी "बिभोर"
पाल्पा दर्पुक एक
हाल मरुभूमि

Sunday, January 18, 2015

मुक्तक - Asmi Gm

पैसा ,बैंश उनको कुरा 
कति गर्ने जुनको कुरा?
आउ गरौं आज थोरै
जन्मभुमि खुनको कुरा

गजल- विवश एस.वि

 
तिम्रै अभावको सुनसान सहरमा छु।
संगै जीउने मर्ने कसम रहरमा छु।
दिन ढाल्छ अनि बास जमाउँछ अधेरीले ,
तिम्रै आगमनको रात्रीकालिन प्रहरमा छु।
किन आउँछ तिम्रो याद असरल्ल हुने गरि, 
तिम्रा तिनै यादहरुको लहरमा छु।
कत्ती कुरुँ तिमिलाइ मनको चौतारीमा,
अमृत लग्यौ तिमिले र त जहरमा छु।
सुनेको छु दिन सबको आउँछ रे,
तिम्रो चोखो माया पाउने म ठहरमा छु।

विवश एस. बि
हेटौंडा मकवानपुर 
हाल बनेपा -१०

gajal- बिरोध 'फकीर'

 
 
गाई पालिन्छ अनि केही भैंसी पालिन्छ।
गाउँमै गएर यस्तो एउटा ईलम थालिन्छ।।

गोबर मलले उब्जनी बढिहाल्छ बारीको,
दाउरा काट्नु परेन गोबर ग्याँस बालिन्छ।।

शुद्द भनिन्छ दूध अलि महंगोमा बेचिन्छ,
दुहुनु अगाडि ढुँङ्ग्रोमा नै पानी हालिन्छ।।

दिन दुई गुना रात चौ गुना कमाए पछी,
मलाई बिग्र्यो भन्नेहरुको मुख टालिन्छ।।

मैँ हुँ भन्ने च्याँखुरी नि मर्नेछन मेरा लागि,
मनले खाकी रोजिन्छ घरबार बसालिन्छ।।

 

gajal- Ram Sharan Shrestha

को को थिए मेरा साथी याद गर्न दिनुस्
को को भए बिश्वास घाती याद गर्न दिनुस्
..
मान्छे पनि दुनियाँ पनि बदलियो हेर्दाहेर्दै
को को वारि को को पारी याद गर्न दिनुस्
..
बर्सौ पहिले कसैलाई छोडी आएको थेँ
सम्झिरहने उस्को बानी याद गर्न दिनुस्
...
नफर्केको धेरै भयो मेरो प्यारो गाउँ घर
आज सारा काम छोडी याद गर्न दिनुस्
 
राम शरण श्रेष्ठ 
चिसापानी रामेछाप 
12-12-2014

gajal -रमेश् 'गोठालो'


शुरुमा मन्दमन्द आउँछ  !!
बिस्तारै क्या आनन्द आउँछ !!
नशा झैं भएको छ पीडा त
लट्ठिन्छु जब गन्ध आउँछ !!
राग छ सुर भित्र सुरिलो 
बोकेर मीठो छन्द आउँछ!!
खुसीको वर्षा लाग्छ खडेरी 
पिडामै पो वसन्त आउँछ !!
लिएर मीठो दर्द आफुमा
लुकाइ खुशी अन्त आउँछ!!

gajal- मोनिका (रजनी पात्र)

जिन्दगानी बिहानिको शित सम्झिएँ !!
आज फेरी मैले मेरा अतित सम्झिएँ !!
हिजो हँसायौ आज रुवायौ मलाई
यही रहेछ मायाको रित सम्झिएँ !!
रोएरै बित्ने भयो अब बाँकी जिवन्
आँसुलाई नै मेरो मनको मित सम्झिएँ !!
जिवन र मृत्युको दोसाँधमा हारे पनि 
तिम्रो खुशी यो जिवनको जित सम्झिएँ !!

.
मोनिका (रजनी पात्र)

mukktak- Roshan Sahityapremi

तिमी हाँसेउ र त म हासे
तिमी नाचेउ र त म नाचेँ
मर्नुको अर्थ खोज्दैथेँ म त
तिमी बाँचेउ र त म बाँचे ।।

रोशन साहित्यप्रेमी
बडहरे-९, खाेटाङ

gajal- Prashna Prashna

नजरैको झटाराले हान्यौ र पो नजीक सरेँ !!
खै मोहनीले होला तान्यौ र पो नजीक सरेँ !!


 नत्र कहाँ भागी भागी आउँथे र म
केही पलमै तिमले आफ्नै ठान्यौ र पो नजिक सरेँ !!


कामुक नजर बाटै ईशारामै तिमीले
मेरा ईछ्छा चाहनालाईजान्यौ र पो नजीक सरेँ !!


थोरै लजाउने अनि धेरै रिसाउने
छुच्चीलाई रामप्यारी मान्यौ र पो नजिक सरेँ !!


चन्द्रमुखी छन् कोहीकोहि शुर्यमुखी
तैपनी हजारौँमा छान्यौ र पो नजिक सरेँ  !!

gajal- Fucchi Anju

 
 
साथ छोड्नु अघि मलाई जहर पिलाई मारिदिनु !!
सवाल पक्कै आउछ होला बहानामा टारिदिनु !!
नजिकबाटै मेरो लास मलामीले बोकि लादा
गोही आशु किन नहोस् दुई थोपा झारिदिनु !!
घाटमा तिमी नआएनी तर पनि टाढै बाट
तिम्रो नामको एउटा फुल चित्ता माथि पारिदिनु !!
तिम्लाई घरमा झुट बोल्नलाई पक्कै गाह्रो हुन्छ 
बिरामीको नाटक गरी दुई छाक जुढो बिरिदिनु !!
आउन हक्छु याद बनेर झ-झल्कोमा कहिले काँही 
अंगालेर वर्तमानलाई अतित पर सारिदिनु !!

‎मुक्तक‬- एल.बि.एस

प्यार हो या हतियार बुझ्नै सकिएन
सताउँछ यार लगातार बुझ्नै सकिएन!
एकैछिनमा हसाउँछ अनि फेरि रुवाउँछ
खै कस्तो हो यो आकार बुझ्नै सकिएन !!

एल.बि.एस

गजल- जीवन सरोवर

टुहुरा ले आँशु झारीरहेछ।
मुटुमा दुःखको भकारीरहेछ।।
भोकको ईलाज जहर पठाएर।
सर्कारले गरिबहरु मारीरहेछ।।
भट्टि र चोक चोकमा आन्दोलन हुने।
मुख्य कारण त बेरोजगारीरहेछ।।
बिहान कलेजो साँझ मुटु बेचेर।
गरिबले दुईछाक टारीरहेछ।।
अचेल मन्दिरहरु भत्काउदै हिड्छ।
उ एक जमानाको पुजारीरहेछ।।
जीवन सरोवर
अछाम रानिबन
हालःनेपालगञ्ज

गजल -माधव दाहाल ‘निश्छल’

 
रच्छयानमा फ्याक्या पुष्पगुच्छा भयो संविधान !!
हात्ती आयो हात्ती आयो फुस्सा भयो संविधान!!
यौटा टेबल ठटाउछ अर्को मुड्की उज्याउछ
केटाकेटी लड्दै खेल्ने गुच्चा भयो संविधान!!
यौटा संघियता भन्छ अर्को धर्म निरपेक्ष
पार्टी–पार्टी फुटाउने छुच्चा भयो संविधान!!
पाँचतारेमै लन्च गर्छन डिनर पनि पाँचतारेमै
लाखौँ तलवभत्ता, मोहर सुक्का भयो संविधान!!
संविधान जे सुकै होस् कुर्सी सर्वैसर्वा हुन्छ
सरकार भो एक्का बास्सा, दुक्का भयो संविधान!!
जति मिति थपे पनि बन्ने छेकछन्द छैन
आकासको फल हेरेरै मर तुक्का भयो संविधान!!

माधव दाहाल ‘निश्छल’

gajal-©बाबु त्रिपाठी

गफाडिहरु अाउने खबर अाइपुगेकाे छ  !!
विरबल अाउदै छन अकवर अाइपुगेकाे छ!!
अब छाेराे हराएकाेमा चिन्ता हुने छैन
कफिनमा बाधिएर उ घर अाइपुगेकाे छ!!
नपिउनु भन्छे उ पिलाउछु भन्छ उ
कसरी नपीउ अवसर अाइपुगेकाे छ!!
यहा पिरती लाउन कला चाहिदाे रहेछ
उ पिरती लाएर भर्खर अाइपुगेकाे छ!!
के साेचेर हाे त्याे सुदुर गाँउकाे अाकास 
रात्रि बस चढेर सहर अाइपुगेकाे छ!!

  ©बाबु त्रिपाठी

gajal -कोमल भट्ट

जिन्दगानी कहिल्यै पनि,नटुङ्गिने यात्रा रैछ !!
सधैँ घुम्छन् दु:ख सुख,नरित्तिने यात्रा रैछ!!


आनन्द र हाँसो बिना,रोएको छ डाँको छोड्दै
अनन्त यो पीर व्यथा,नछोपिने यात्रा रैछ!!


अस्तव्यस्त पारेकाछन्,समस्याले घेर्दै घेर्दै
जति मरिमेट्दा पनि,नसुध्रिने यात्रा रैछ!!


छुट्टिएर सहयात्री लागे,आफ्नै गन्तव्यमा
कहाँ कहाँ पुगे होलान्,नभेटिने यात्रा रैछ!!


बोक्नु पर्ने गह्रौं भारी,ठाउँ छैन बिसाउनलाई
लगातारै दौडेको छ,नरोकिने यात्रा रैछ !!


एकादेशकै कथा भए,पुराना ती आत्मीयता
बिर्सी सके "कोमल" मन,नसम्झिने यात्रा रैछ !!

कोमल भट्ट
पुरानो नैकाप,काठमाडौँ
हाल:-न्युयोर्क,अमेरिका
आश्विन १४,२०७०