गजल- बाबु त्रिपाठीको

Babu Tripath

'बा' बाट साभार

रुन दे कर्नाली तेरो के जान्छ मेरो के जान्छ

नहोस् अन्नबाली तेरो के जान्छ मेरो के जान्छ

भोकले बालुवा खाइरहेछन् नानीहरु
भो नगरौँ गाली तेरो के जान्छ मेरो के जान्छ

धनीहरूले होइन् गरिबहरुले गर्ने हो
उकाली-ओराली तेरो के जान्छ मेरो के जान्छ

चराहरु पनि बासाई सरेर गएका छन्
उजाड भो डाली तेरो के जान्छ मेरो के जान्छ

कहीँ जातको नामले कहीँ धर्मको नामले
बाँडिए नेपाली तेरो के जान्छ मेरो के जान्छ