(अभिनव साहित्य समाजको साहित्य गोष्टिमा उत्कृष्ट भएको गज़ल)
चाबी पनि उनैसित ताला पनि उनैसित!!
त्यसैले त गोरा पनि काला पनि उनैसित!!
म त गवार कुरुप छु, नाम मात्र सुन्दर हो
गुलाबी ओठ स्याउ जस्ता गाला पनि उनैसित!!
न छ टेक्ने आधार मेरो न समाउने हागो नै छ
सुनै सुनका बाला पनि माला पनि उनैसित!!
सयपत्री मखमली फुल्छन मेरो दिलभरी
मुटु घोच्ने बचनका भाला पनि उनैसित!!
प्यासी छु म तिर्खाएर तड्पिरहेको छु यहाँ
तिर्खा मेटने भरिएका प्याला पनि उनैसित !!
No comments:
Post a Comment